Testuingurua
Salbaiak
Gau huntan berriz ere
Hiltzerat heldu dire
Gizon ala emazte
Arrunt berdin zaiote.
Presondegirat hemen
Han hilobirat zuzen
Hobena norena den
Ongi ohart gaitezen.
Ogoigarren mendean
Demokrazia garaian
Bizi gira goxoan
Bi gezurren artean.
Salbaiak badirela
Nik entzuna dut fama
Guretzat domaia da
Poderean baitira.
giltza
Egur beharrik gabekoa den
Barneko sua
Ezin hartua.
Izaite baten garra ikusiz
Gaitz erranik ez
Zu zaude gosez.
Gizonaren galgarria
Soinean duen maskara
Naturalezaren giltza
Seaskan dik utzia.
Bertzek finkatu edertasuna
Azalekoa
Alegiazkoa.
Zeure burua hortik atera
Beldurrik gabe
kausitu arte.
Gizonaren galgarria
oinean duen maskara
Naturalezaren giltza
Seaskan dik, utzia.
Bakardadean duzun izia
Desegingo da
Ilun argia.
Haizea eman eihar hegalean
Zure arnasa
Askatasuna.
Bisaian duzun gezurra
Egiaz itzaliko da
Naturalezaren giltza
Eskuetan argia.
iduriak
Guri dagokigun iduri multzoa
Bertzeri buruzko lan gorri alferra.
Gaitzeko gaztelua ezin hartuzkoa
Fantasmen itzala leihotik dirdira.
Uzten baduk batto ihes egiterat
Jasanen duk gero bertzen oldartzea.
Nahi dutelako guziek atera.
Hiri emaiteko azken haserrea.
Ahalge, herabe, beldurtiak oro
Beretaz trufaka gatenen hausteko
Suntsituko dire elgar maitekiro
Ezdeusaren dantzan gire gu ariko.
alferrik
Alfer egonaldiak alferrik ote?
Nork erran lezake?
Nihor ez daite izan orduen jabe
Ez eta behin ere.
Aho mingainetan entzuten den ele Zentzurikan gabe
Banago ez ote den hobe
Ixilik egoite.
Zenbat egintzek merexiko lukete
Gertatzeko orde
Alferrikan egoiteko esku luze
... Halere debalde...
jainko berria
Agurtzen zaitut diru
Zu za guzien buru
Gizakien helburu
Jendearen urgulu
Ez dut egin bekatu
Sos bihirik ez galdu
Beraz egizkidatzu
Otoi bizpahiru keinu.